Karne bora ni karne yangu, kisha wale wanaowafuata, kisha wale wanaowafuata

Islam > Sw > Hadith > Ubora wa maswahaba radhi za mwenyezi mungu ziwe juu yao > Karne bora ni karne yangu, kisha wale wanaowafuata, kisha wale wanaowafuata

Hadith imesimuliwa na: Wamekubaliana Bukhari na Muslim juu ya usahihi wake

Sahihi

Sommaire

Maandishi ya hadithi
Maelezo ya hadithi
Mafunzo ya hadithi

Mis à jour le 26 octobre 2026

📖 1 min de lecture

Maandishi ya hadith: Karne bora ni karne yangu, kisha wale wanaowafuata, kis…

Maelezo ya hadith: Karne bora ni karne yangu, kisha wale wanaowafuata, kis…

Alieleza Mtume rehema na amani ziwe juu yake kuwa tabaka bora la watu waliokusanyika katika zama moja ni tabaka ambalo yuko ndani yake Mtume rehema na amani ziwe juu yake na Maswahaba zake, kisha wale wanaowafuata katika waumini wale waliowapata Maswahaba na hawakumpata Mtume wa Mwenyezi Mungu, kisha wale wanaowafuata nao ni wafuasi wa wanafunzi wa Mtume rehema na amani ziwe juu yake, na akapata wasi wasi swahaba katika kutaja wale wanaowafuata kwa karne ya nne. Kisha akasema Mtume rehema na amani ziwe juu yake: Hakika baada yao kuna kizazi (kaumu) watafanya hiyana na wala watu hawatowaamini, na watatoa ushahidi kabla ya kutakwa kutoa ushahidi, na wanatoa nadhiri na wala hawatimizi, na wanachupa mipaka katika ulaji na unywaji mpaka unadhihiri kwao unene.

Mafunzo: Karne bora ni karne yangu, kisha wale wanaowafuata, kis…

Karne na kizazi bora katika umri wote wa dunia ni karne aliyoishi Mtume rehema na amani ziwe juu yake na Maswahaba zake, na imekuja katika Sahihi Bukhari kutoka kwake rehema na amani ziwe juu yake amesema: "Nimetumwa katika karne bora zaidi za watoto wa Adam karne moja baada ya nyingine, mpaka nikawa katika karne niliyopo ndani yake".
Amesema bin Hajari: Na hadithi hii imepelekea Maswahaba kuwa bora zaidi kuliko wanafunzi wao (Matabii), na Matabii kuwa bora kuliko wanafunzi wao (Mataabii Taabiina), lakini je, ubora huu ni kulingana na ujumla wao au mtu mmoja mmoja? Hapa ni mahala pa kufanya utafiti, na kwa kauli hiyo ya pili ndio iliyochaguliwa na jopo la wanachuoni.
Ishara ya ulazima wa kufuata njia ya karne tatu za mwanzo; kwani kila ambaye zama zake zitakuwa karibu zaidi na zama za utume basi huyo ndiye anastahiki zaidi kuwa na fadhila na elimu na kuiga na kuongoka kutoka kwa Mtume rehema na amani ziwe juu yake.
Nadhiri: Ni mtu mwenye ulazima wa kutekeleza sheria kuilazimisha nafsi yake kwa ibada ambayo sheria haikuifanya kuwa lazima kwa kila kauli iliyoielezea.
Ubaya wa hiyana na kutotimiza nadhiri na kufungamana na dunia.
Ubaya wa kutoa ushahidi pasina kutakwa kuutoa, ikiwa mwenye haki analijua hilo, na ama akiwa hajui linaingia katika kauli yake rehema na amani ziwe juu yake: "Hivi je nisikuelezeni mashahidi bora kuliko wote, ni yule anayetoa ushahidi kabla hajaulizwa" Kaipokea Muslim.

Makundi : Ubora wa Maswahaba Radhi za Mwenyezi Mungu ziwe juu yao. · Akida- Itikadi- · Kuamini mitume · Maswahaba . · Karama za Mawalii.

← Nenda kwamwambie: Wewe si miongoni mwa watu wa motoni, bali ni katika … Ninawausia kumcha Mwenyezi Mungu, na kusikia na utii, hata kama atakut… →

بسم الله الرحمن الرحيم mar. 15 Joumada 1
الثلاثاء 15 جمادى الأولى