Basi usinifanye mimi kuwa shahidi, kwani siwezi kushuhudia dhulma

Islam > Sw > Hadith > Fiqhi ufahamu kuhusu familia > Basi usinifanye mimi kuwa shahidi, kwani siwezi kushuhudia dhulma

Hadith imesimuliwa na: Wamekubaliana Bukhari na Muslim, na ina matamshi mengine

Sahihi

Sommaire

Maandishi ya hadithi
Maelezo ya hadithi
Mafunzo ya hadithi

Mis à jour le 26 octobre 2026

📖 1 min de lecture

Maandishi ya hadith: Basi usinifanye mimi kuwa shahidi, kwani siwezi kushuhu…

Maelezo ya hadith: Basi usinifanye mimi kuwa shahidi, kwani siwezi kushuhu…

Ameeleza Nuuma bin Bashiri radhi za Allah ziwe juu yake yeye na baba yake, ya kwamba mama yake Amra binti Rawaha radhi za Allah ziwe juu yake alimuuliza baba yake baadhi ya zawadi katika mali yake kwa mwanaye, akawa mzito, na akachelewa kumjibu kwa muda wa mwaka mzima, kisha akaona amjibu swali lake, akamhofia mwanaye Nuuman, akasema: Siridhii mpaka umfanye kuwa shahidi Mtume rehema na amani ziwe juu yake kwa kile ulichomzawadia mwanangu, baba yangu akanishika mkono na mimi wakati huo nikiwa kijana mdogo, akumuendea Mtume rehema na amani ziwe juu yake, akasema: Ewe Mjumbe wa Mwenyezi Mungu, hakika mama wa kijana huyu, binti Rawaha kapendezwa nikufanye kuwa shahidi kwa kile nilichomzawadia mwanaye, akasema rehema na amani ziwe juu yake: Ewe Bashiri, je, una mtoto mwingine asiyekuwa huyu? Akasema: Ndiyo. Akasema: Je, wote umewazawadia mfano wa huyu. Akasema: Hapana. Akasema: Basi usinifanye mimi kuwa shahidi, kwani mimi sishuhudii upendeleo na dhulma. Na kwa Muslim alisema kwa kumkemea: Lakini mshuhudishe katika dhulma hii mwingine asiyekuwa mimi.

Mafunzo: Basi usinifanye mimi kuwa shahidi, kwani siwezi kushuhu…

Ulazima wa kufanya uadilifu kati ya watoto wa kiume na wa kike katika vipawa na zawadi, ama matumizi yanakadiriwa kulingana haja na kila mmoja kwa uhitaji wake.
Kuwapendelea baadhi ya watoto na kuwaacha wengine ni katika dhulma, na wala haifai kulishuhudia hilo sawa sawa iwe kwa niaba au mtu mwenyewe.
Amesema Nawawi: Ni lazima mtu afanye uadilifu baina ya watoto wake katika zawadi, na amzawadie kila mmoja wao mfano wa alichomzawadia mwingine, na asipendelee, na afanye usawa kati ya mtoto wa kiume na wa kike, na wamesema baadhi ya watu wetu: Mtoto wa kiume anakuwa na mfano wa mafungu ya wanawake wawili, na kilicho sahihi nikuwa afanye usawa baina yao kwa mujibu wa hadithi hii.
Hukumu zote zinazofanyika kinyume sharia zinabatilika na wala hazitekelezwi.
Hakimu au mufti kutaka ufafanuzi kutoka kwa muulizaji katika yale yanayohitaji ufafanuzi; kwa mujibu wa kauli yake rehema na amani ziwe juu yake: "Je umefanya hivi kwa wanao wote?"
Amesema Nawawi: Na hapa kuna: Kufaa mzazi kurudia zawadi yake kwa mwanaye.
Amri ya kufanya yale yanayopelekea kuleta upendo baina ya ndugu, na kuacha yanayotia chuki baina yao, na kupandikiza chuki kwa wazazi.

Makundi : Fiq'hi- ufahamu- kuhusu familia. · Hukumu za mwenye kuzaliwa- mchanga · Fiq'hi na misingi yake. · Matumizi kwa ajili ya watoto.

← Sharti zenye haki zaidi kwenu nyinyi kuzitekeleza ni zile mlizohalalis… Asiache mapambo na kupendeza mwanamke yeyote kwa maiti zaidi ya siku t… →

بسم الله الرحمن الرحيم mar. 15 Joumada 1
الثلاثاء 15 جمادى الأولى