Majaribio hayaachi kumpata muumini wa kiume na muumini wa kike katika nafsi yake, na watot…

Islam > Sw > Hadith > Tungo zenye kulainisha moyo na mawaidha > Majaribio hayaachi kumpata muumini wa kiume na muumini wa kike katika nafsi yake, na watot…

Hadith imesimuliwa na: Imepokelewa na Tirmidhiy na Ahmad

Ni nzuri (Hasan)

Sommaire

Maandishi ya hadithi
Maelezo ya hadithi
Mafunzo ya hadithi

Mis à jour le 26 octobre 2026

📖 1 min de lecture

Maandishi ya hadith: Majaribio hayaachi kumpata muumini wa kiume na muumini…

Maelezo ya hadith: Majaribio hayaachi kumpata muumini wa kiume na muumini…

Anaeleza Mtume rehema na amani ziwe juu yake kuwa: “Balaa na mtihani havikomi kwa muumini wa kiume na wa kike, katika afya yake na mwili wake, na kwa watoto wake, kama magonjwa, kifo, uasi na mengineyo, na katika mali yake kutiwa umasikini, kutoweka kwa biashara, kuibiwa, kuvurugika kwa maisha na dhiki katika riziki, na ugumu wa maisha, mpaka Mwenyezi Mungu atamfutia dhambi zake zote kwa mateso haya, ili atakapokutana na Mwenyezi Mungu atakuwa kasafishika na madhambi na maovu yote aliyoyafanya.

Mafunzo: Majaribio hayaachi kumpata muumini wa kiume na muumini…

Miongoni mwa huruma ya Mwenyezi Mungu kwa waja wake waumini ni kuwafutia madhambi yao katika dunia yao kupitia matatizo ya dunia na maafa yake.
Balaa pekee linafuta madhambi ila kwa sharti la imani, hivyo akisubiri mja na akawa hakulalamika basi analipwa.
Himizo la subira katika mambo yote, katika yale ayapendayo na anayoyachukia, awe na subira mpaka atekeleze aliyoyaamrisha Mwenyezi Mungu, na awe na subira mpaka akae mbali na yale aliyoyaharamisha Mwenyezi Mungu, akitaraji malipo ya Mwenyezi Mungu na kuogopa adhabu yake.
Kauli yake: “Kwa muumini mwanaume na mwanamke,” kuongeza neno “muumini wa kike” ndani yake ni ushahidi wa kutiliwa mkazo zaidi kwa wanawake. Vinginevyo, lau angesema: "Kwa muumini wa kiume," mwanamke angejumuishwa ndani yake; Kwa sababu hii si mahsusi kwa wanaume, basi ikiwa dhiki itampata mwanamke, naye anaahidiwa malipo kama hayo kwa kufutiwa madhambi na makosa.
Hili ni miongoni mwa mambo yanayomtia faraja mtu kwa yale anayokumbana nayo katika maumivu kila mara yanayosababishwa na mabalaa.

Makundi : Tungo zenye kulainisha moyo na mawaidha · Akida- Itikadi- · Kuzitakasa Nafsi. · Mambo mazuri na Adabu- Heshima. · Ni kuamini hukumu na mipango

← Atakayemuomba Mwenyezi Mungu shahada (yaani kufa shahidi) kwa dhati, b… Ajabu iliyoje ya jambo la muumini, hakika jambo lake lote ni kheri, na… →

بسم الله الرحمن الرحيم mar. 15 Joumada 1
الثلاثاء 15 جمادى الأولى