Quranın 591 Səhifəsini Oxumaq

وَٱلسَّمَآءِ وَٱلطَّارِقِ ﴿١﴾

And olsun göyə və gecə gələnə! (Gecə peyda olub gündüz qeyb olana!)

وَمَآ أَدْرَىٰكَ مَا ٱلطَّارِقُ ﴿٢﴾

(Ya Peyğəmbər!) Sən nə bilirsən (haradan bilirsən) ki, gecə gələn nədir?!

ٱلنَّجْمُ ٱلثَّاقِبُ ﴿٣﴾

(O, zülməti yaran) parlaq ulduzdur!

إِن كُلُّ نَفْسٍۢ لَّمَّا عَلَيْهَا حَافِظٌۭ ﴿٤﴾

Elə bir kimsə yoxdur ki, onun üstündə bir gözətçi (mələk) olmasın!

فَلْيَنظُرِ ٱلْإِنسَـٰنُ مِمَّ خُلِقَ ﴿٥﴾

Elə isə insan nədən yaradıldığına (bəsirət gözü ilə) bir baxsın!

خُلِقَ مِن مَّآءٍۢ دَافِقٍۢ ﴿٦﴾

O, axıb tökülən bir sudan (nütfədən) yaradılmışdır.

يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ ﴿٧﴾

(O su kişilərin) bel sümüyündən, (qadınların isə) köks sümüyündən çıxar!

إِنَّهُۥ عَلَىٰ رَجْعِهِۦ لَقَادِرٌۭ ﴿٨﴾

Həqiqətən, (Allah) insanı (öləndən sonra) yenidən diriltməyə qadirdir! -

يَوْمَ تُبْلَى ٱلسَّرَآئِرُ ﴿٩﴾

Bütün sirlərin aşkar olacağı o qiyamət günü;

فَمَا لَهُۥ مِن قُوَّةٍۢ وَلَا نَاصِرٍۢ ﴿١٠﴾

(O gün) insanın nə (əzabı dəf edəcək) bir qüvəsi, nə də bir köməkçisi olar!

وَٱلسَّمَآءِ ذَاتِ ٱلرَّجْعِ ﴿١١﴾

And olsun yağış sahibi olan göyə;

وَٱلْأَرْضِ ذَاتِ ٱلصَّدْعِ ﴿١٢﴾

And olsun (növbənöv bitkilər yetirmək üçün) yarılan yerə ki,

إِنَّهُۥ لَقَوْلٌۭ فَصْلٌۭ ﴿١٣﴾

Bu (Qur’an haqla nahaqqı) ayırd edən kəlamdır!

وَمَا هُوَ بِٱلْهَزْلِ ﴿١٤﴾

O, oyun-oyuncaq (əyləncə) deyildir!

إِنَّهُمْ يَكِيدُونَ كَيْدًۭا ﴿١٥﴾

Həqiqətən, (Məkkə müşrikləri Qur’anın nurunu söndürmək üçün) hiylə qurdular.

وَأَكِيدُ كَيْدًۭا ﴿١٦﴾

Mən də (hiylələrinə qarşı) onlara cəza verirəm.

فَمَهِّلِ ٱلْكَـٰفِرِينَ أَمْهِلْهُمْ رُوَيْدًۢا ﴿١٧﴾

Elə isə (ya Peyğəmbər!) kafirlərə möhlət ver! Onlara azacıq möhlət ver!

سَبِّحِ ٱسْمَ رَبِّكَ ٱلْأَعْلَى ﴿١﴾

(Ya Peyğəmbər!) Ən uca olan Rəbbinin adını pak (müqəddəs) tutub şə’ninə təriflər de!

ٱلَّذِى خَلَقَ فَسَوَّىٰ ﴿٢﴾

O Rəbbin ki, (hər şeyi) xəlq etdi və nizama saldı.

وَٱلَّذِى قَدَّرَ فَهَدَىٰ ﴿٣﴾

O Rəbbin ki, (hər şeyin keyfiyyətini, xüsusiyyətini, davam müddətini) əzəldən müəyyən etdi və (hamıya) yol göstərdi.

وَٱلَّذِىٓ أَخْرَجَ ٱلْمَرْعَىٰ ﴿٤﴾

O Rəbbin ki, (torpağı yarıb ondan yamyaşıl) otlar çıxartdı.

فَجَعَلَهُۥ غُثَآءً أَحْوَىٰ ﴿٥﴾

Sonra da onu (qupquru) qara çör-çöpə döndərdi.

سَنُقْرِئُكَ فَلَا تَنسَىٰٓ ﴿٦﴾

(Ya Peyğəmbər!) Biz sənə (Qur’anı) oxudacağıq və sən (onu) unutmayacaqsan;

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿٧﴾

Yalnız Allahın dilədiyindən (hökmünü ləğv etdiyimiz bu və ya digər ayədən) başqa! Şübhəsiz ki, O, aşkarı da, gizlini də bilir!

وَنُيَسِّرُكَ لِلْيُسْرَىٰ ﴿٨﴾

Biz sənə ən asan olanı (islam şəriətini) müyəssər edərik.

فَذَكِّرْ إِن نَّفَعَتِ ٱلذِّكْرَىٰ ﴿٩﴾

(Ya Peyğəmbər!) Əgər nəsihət etmək fayda versə, (ümmətinə Qur’anla) öyüd-nəsihət ver!

سَيَذَّكَّرُ مَن يَخْشَىٰ ﴿١٠﴾

(Allahdan) qorxan kimsə mütləq öyüd-nəsihət qəbul edəcəkdir!

وَيَتَجَنَّبُهَا ٱلْأَشْقَى ﴿١١﴾

Bədbəxt (kafir) isə ondan (öyüd-nəsihətdən) qaçacaqdır.

ٱلَّذِى يَصْلَى ٱلنَّارَ ٱلْكُبْرَىٰ ﴿١٢﴾

(O bədbəxt ki) ən böyük oda (cəhənnəm oduna) girəcəkdir.

ثُمَّ لَا يَمُوتُ فِيهَا وَلَا يَحْيَىٰ ﴿١٣﴾

Orada nə öləcək, nə də yaşayacaqdır! (Nə ölü kimi ölü, nə də diri kimi diri olacaqdır!)

قَدْ أَفْلَحَ مَن تَزَكَّىٰ ﴿١٤﴾

(Günahlardan) təmizlənən kimsə isə nicat tapacaqdır.

وَذَكَرَ ٱسْمَ رَبِّهِۦ فَصَلَّىٰ ﴿١٥﴾

O kimsə ki, Rəbbinin adını zikr edib namaz qılar!