قرآن کا صفحہ 591 پڑھیں

وَٱلسَّمَآءِ وَٱلطَّارِقِ ﴿١﴾

آسمان اور رات کے وقت آنے والے کی قسم

وَمَآ أَدْرَىٰكَ مَا ٱلطَّارِقُ ﴿٢﴾

اور تم کو کیا معلوم کہ رات کے وقت آنے والا کیا ہے

ٱلنَّجْمُ ٱلثَّاقِبُ ﴿٣﴾

وہ تارا ہے چمکنے والا

إِن كُلُّ نَفْسٍۢ لَّمَّا عَلَيْهَا حَافِظٌۭ ﴿٤﴾

کہ کوئی متنفس نہیں جس پر نگہبان مقرر نہیں

فَلْيَنظُرِ ٱلْإِنسَـٰنُ مِمَّ خُلِقَ ﴿٥﴾

تو انسان کو دیکھنا چاہئے کہ وہ کاہے سے پیدا ہوا ہے

خُلِقَ مِن مَّآءٍۢ دَافِقٍۢ ﴿٦﴾

وہ اچھلتے ہوئے پانی سے پیدا ہوا ہے

يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ ﴿٧﴾

جو پیٹھ اور سینے کے بیچ میں سے نکلتا ہے

إِنَّهُۥ عَلَىٰ رَجْعِهِۦ لَقَادِرٌۭ ﴿٨﴾

بےشک خدا اس کے اعادے (یعنی پھر پیدا کرنے) پر قادر ہے

يَوْمَ تُبْلَى ٱلسَّرَآئِرُ ﴿٩﴾

جس دن دلوں کے بھید جانچے جائیں گے

فَمَا لَهُۥ مِن قُوَّةٍۢ وَلَا نَاصِرٍۢ ﴿١٠﴾

تو انسان کی کچھ پیش نہ چل سکے گی اور نہ کوئی اس کا مددگار ہو گا

وَٱلسَّمَآءِ ذَاتِ ٱلرَّجْعِ ﴿١١﴾

آسمان کی قسم جو مینہ برساتا ہے

وَٱلْأَرْضِ ذَاتِ ٱلصَّدْعِ ﴿١٢﴾

اور زمین کی قسم جو پھٹ جاتی ہے

إِنَّهُۥ لَقَوْلٌۭ فَصْلٌۭ ﴿١٣﴾

کہ یہ کلام (حق کو باطل سے) جدا کرنے والا ہے

وَمَا هُوَ بِٱلْهَزْلِ ﴿١٤﴾

اور بیہودہ بات نہیں ہے

إِنَّهُمْ يَكِيدُونَ كَيْدًۭا ﴿١٥﴾

یہ لوگ تو اپنی تدبیروں میں لگ رہے ہیں

وَأَكِيدُ كَيْدًۭا ﴿١٦﴾

اور ہم اپنی تدبیر کر رہے ہیں

فَمَهِّلِ ٱلْكَـٰفِرِينَ أَمْهِلْهُمْ رُوَيْدًۢا ﴿١٧﴾

تو تم کافروں کو مہلت دو بس چند روز ہی مہلت دو

سَبِّحِ ٱسْمَ رَبِّكَ ٱلْأَعْلَى ﴿١﴾

(اے پیغمبر) اپنے پروردگار جلیل الشان کے نام کی تسبیح کرو

ٱلَّذِى خَلَقَ فَسَوَّىٰ ﴿٢﴾

جس نے (انسان کو) بنایا پھر (اس کے اعضاء کو) درست کیا

وَٱلَّذِى قَدَّرَ فَهَدَىٰ ﴿٣﴾

اور جس نے (اس کا) اندازہ ٹہرایا (پھر اس کو) رستہ بتایا

وَٱلَّذِىٓ أَخْرَجَ ٱلْمَرْعَىٰ ﴿٤﴾

اور جس نے چارہ اگایا

فَجَعَلَهُۥ غُثَآءً أَحْوَىٰ ﴿٥﴾

پھر اس کو سیاہ رنگ کا کوڑا کر دیا

سَنُقْرِئُكَ فَلَا تَنسَىٰٓ ﴿٦﴾

ہم تمہیں پڑھا دیں گے کہ تم فراموش نہ کرو گے

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿٧﴾

مگر جو خدا چاہے۔ وہ کھلی بات کو بھی جانتا ہے اور چھپی کو بھی

وَنُيَسِّرُكَ لِلْيُسْرَىٰ ﴿٨﴾

ہم تم کو آسان طریقے کی توفیق دیں گے

فَذَكِّرْ إِن نَّفَعَتِ ٱلذِّكْرَىٰ ﴿٩﴾

سو جہاں تک نصیحت (کے) نافع (ہونے کی امید) ہو نصیحت کرتے رہو

سَيَذَّكَّرُ مَن يَخْشَىٰ ﴿١٠﴾

جو خوف رکھتا ہے وہ تو نصیحت پکڑے گا

وَيَتَجَنَّبُهَا ٱلْأَشْقَى ﴿١١﴾

اور (بےخوف) بدبخت پہلو تہی کرے گا

ٱلَّذِى يَصْلَى ٱلنَّارَ ٱلْكُبْرَىٰ ﴿١٢﴾

جو (قیامت کو) بڑی (تیز) آگ میں داخل ہو گا

ثُمَّ لَا يَمُوتُ فِيهَا وَلَا يَحْيَىٰ ﴿١٣﴾

پھر وہاں نہ مرے گا اور نہ جئے گا

قَدْ أَفْلَحَ مَن تَزَكَّىٰ ﴿١٤﴾

بے شک وہ مراد کو پہنچ گیا جو پاک ہوا

وَذَكَرَ ٱسْمَ رَبِّهِۦ فَصَلَّىٰ ﴿١٥﴾

اور اپنے پروردگار کے نام کا ذکر کرتا رہا اور نماز پڑھتا رہا