Je mnajua ni nani aliyefilisika?

Islam > Sw > Hadith > Fiqhi ya tabia > Je mnajua ni nani aliyefilisika?

Hadith imesimuliwa na: Imepokelewa Imamu Muslim

Sahihi

Sommaire

Maandishi ya hadithi
Maelezo ya hadithi
Mafunzo ya hadithi

Mis à jour le 26 octobre 2026

📖 1 min de lecture

Maandishi ya hadith: Je mnajua ni nani aliyefilisika?

Maelezo ya hadith: Je mnajua ni nani aliyefilisika?

Mtume rehema na amani ziwe juu yake aliwauliza Maswahaba zake: Je, mnamjua aliyefilisika? Wakasema: Aliyefilisika miongoni mwetu ni yule asiye na fedha wala mali. Akasema: Aliyefilisika katika umma wangu Siku ya Kiyama ni yule anayefanya mambo mema kama Swala, Saumu na Zaka, na akaja akiwa kamshutumu huyu na kamtukana huyu, na kamsingizia mabaya mtu huyu katika heshima yake, na kala mali ya huyu na akakana, na akamwaga damu ya huyu na kumdhulumu, na kampiga huyu na akamdhalilisha, hivyo mtu aliyedhulumiwa atapewa kutoka katika matendo yake mema, mema yake yakimalizika kabla ya haki za watu na dhulma hazijamalizika, yatachukuliwa madhambi ya wale aliowadhulumu na kuwekwa katika vitabu vya dhalimu, kisha atatupwa na kurushwa motoni kwani hajabaki na jema.

Mafunzo: Je mnajua ni nani aliyefilisika?

Tahadhari dhidi ya kutumbukia katika makatazo, hasa kuhusu haki za watu zenye kuonekana na zisizoonekana.
Haki za viumbe wao kwa wao mfumo wake ni kutosameheana, na haki za Muumba isipokuwa ushirikina, zimejengeka katika msamaha.
Kutumia njia ya mazungumzo ambayo humtia shauku msikilizaji, huvuta fikira zake, na huamsha hamasa yake, hasa katika elimu malezi na muongozo.
Kumeelezwa maana halisi ya mtu aliyefilisika, naye ni yule waliyechukua wadai wake amali zake njema Siku ya Kiyama.
Kisasi Akhera kinaweza kuja katika mema yote, kiasi kwamba kusibakie jema lolote.
Muamala wa Mwenyezi Mungu kwa viumbe wake umesimama katika msingi wa uadilifu na haki.

Makundi : Fiq'hi ya Tabia. · Tabia mbovu. · Akida- Itikadi- · Mambo mazuri na Adabu- Heshima. · Kuamini siku ya mwisho · Maisha ya Akhera.

← Atakayejifunza elimu katika yale yanayo ambayo hutafutwa radhi za Mwen… Yeyote atakayenisingizia mimi uongo kwa makusudi basi ajiandalie makaz… →

بسم الله الرحمن الرحيم mar. 15 Joumada 1
الثلاثاء 15 جمادى الأولى