Cewa wani mutum ya tambayi Annabi - tsira da a mincin Allah su tabbata agare shi - daga al…

Musulunci > Ha > Hadith > Abubuwa masu tausasa zukata da waazozi > Cewa wani mutum ya tambayi Annabi - tsira da a mincin Allah su tabbata agare shi - daga al…

Wanda ya ruwaito hadisin: Bukhari da Muslim ne suka rawaito shi

Ingantacce ne

Sommaire

Rubutun hadisi
Bayanin hadisi
Koyarwar hadisi

An sabunta a 26 Oktoba 2026 23h26

📖 Karatu minti 1

Rubutun hadisin: Cewa wani mutum ya tambayi Annabi - tsira da a mincin A…

Bayanin hadisin: Cewa wani mutum ya tambayi Annabi - tsira da a mincin A…

Wani mutumin karkara irin waɗanda suke zama a sahara ya tambayi Annabi - tsira da amincin Allah su tabbata agare shi -: game da lokacin tashin alkiyama?

Sai tsira da amincin Allah su tabbata agare shi Ya ce masa: Meka tanadar mata na aiki na gari?

Sai mai tambayar ya ce: Ban tanadi wani aiki mai yawa ba sai dai ni ina son Allah da ManzonSa, bai ambaci wanin hakan ba daga ayyuaka na zuciya da jiki da dukiya; domin su dukkaninsu rassa ne ga soyayya masu jerantuwa ne akanta, kuma domin soyayya ta gaskiya tana zaburar da kokarin yin aiki na gari.

Sai tsira da amincin Allah su tabbata agare shi Ya ce masa: Lallai kai kana tare da wanda ka so a aljanna.

Sai sahabban Annabi - tsira da amincin Allah su tabbata agare shi - suka yi farin ciki mai girma da wannan busharar.

Sannan Anas ya bada labarin cewa shi yana son Annabi - tsira da amincin Allah su tabbata agare shi - da Abubakar, da Umar, kuma yana kaunar ya kasance tare da su, koda aikinsa bai zama irin aikinsu ba.

Koyarwar hadisin: Cewa wani mutum ya tambayi Annabi - tsira da a mincin A…

Hikimar Manzon Allah - tsira da a mincin Allah su tabbata agare shi - a amsawa mai tambaya, yayin da ya nunar da shi akan abinda zai himmatu akansa kuma zai tseratar da shi, shi ne: Yin tanadi dan lahira da abinda zai anfanar da kuma aiki na gari.
Allah Ya boye sanin alkiyama ga bayi dan mutum ya kasance mai tanadi mai shirin haɗuwa da Allah.
Falalar son Allah da ManzonSa da mutanen kirki cikin muminai, da gargaɗarwa daga son mushrikai.
Faɗinsa - tsira da amincin Allah su tabbata agare shi -: Kai kana tare da wanda ka so. Ba ana nufin daidaituwa a daraja da matsayi ba, a'a abin nufi kasancewarsu a aljanna ta inda kowane ɗaya daga cikinsu zai samu damar ganin ɗayan koda guri ya nisanta.
Fadakar da musulmi dan shagaltuwa da mafi maslaha da kuma mafi anfani gare shi, da barin tambaya daga abinda ba zai anfanar da shi ba.

Rukunan : ABUBUWA MASU TAUSASA ZUKATA DA WA'AZOZI · ILIMIN AƘIDA · AYYUKAN ZUKATA · FALALOLI DA LADUBBA · Imani da Ranar Lahira

← Baya tare da mu wabda duk baya jin tausayin Qaramin mu, kuma bai san g… Kaɗai kwatankwacin abokin zama na gari da mummunan abokin zama, kamar … →

بسم الله الرحمن الرحيم Tal 15 Jumada al-Awwal
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Lalle, Allah da malã'ikunSa sunã salati ga Annabi. Yã kũ waɗanda suka yi ĩmãni! Ku yi salãti a gare shi, kuma ku yi sallama dõmin amintarwa a gare shi.

Al-Ahzab 33:56

Salati ga Manzon Allah