ya rabauta idan gasgata hakan

Musulunci > Ha > Hadith > Ilimin aida > ya rabauta idan gasgata hakan

Wanda ya ruwaito hadisin: Bukhari da Muslim ne suka rawaito shi

Ingantacce ne

Sommaire

Rubutun hadisi
Bayanin hadisi
Koyarwar hadisi

An sabunta a 26 Oktoba 2026 23h26

📖 Karatu minti 2

Rubutun hadisin: ya rabauta idan gasgata hakan

عَنْ طَلْحَةَ بْنِ عُبَيْدِ اللهِ رضي الله عنه قَالَ: جَاءَ رَجُلٌ إِلَى رَسُولِ اللهِ صَلَّى اللهُ عَلَيْهِ وَسَلَّمَ مِنْ أَهْلِ نَجْدٍ ثَائِرُ الرَّأْسِ، نَسْمَعُ دَوِيَّ صَوْتِهِ، وَلَا نَفْقَهُ مَا يَقُولُ حَتَّى دَنَا مِنْ رَسُولِ اللهِ صَلَّى اللهُ عَلَيْهِ وَسَلَّمَ، فَإِذَا هُوَ يَسْأَلُ عَنِ الْإِسْلَامِ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «خَمْسُ صَلَوَاتٍ فِي الْيَوْمِ وَاللَّيْلَةِ» فَقَالَ: هَلْ عَلَيَّ غَيْرُهُنَّ؟ قَالَ: «لَا، إِلَّا أَنْ تَطَّوَّعَ، وَصِيَامُ شَهْرِ رَمَضَانَ»، فَقَالَ: هَلْ عَلَيَّ غَيْرُهُ؟ فَقَالَ: «لَا، إِلَّا أَنْ تَطَّوَّعَ»، وَذَكَرَ لَهُ رَسُولُ اللهِ صَلَّى اللهُ عَلَيْهِ وَسَلَّمَ الزَّكَاةَ، فَقَالَ: هَلْ عَلَيَّ غَيْرُهَا؟ قَالَ: «لَا، إِلَّا أَنْ تَطَّوَّعَ»، قَالَ: فَأَدْبَرَ الرَّجُلُ، وَهُوَ يَقُولُ: وَاللهِ، لَا أَزِيدُ عَلَى هَذَا، وَلَا أَنْقُصُ مِنْهُ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «أَفْلَحَ إِنْ صَدَقَ».

Bayanin hadisin: ya rabauta idan gasgata hakan

Wani mutum daga cikin mutanen Najad ya zo wurin annabi - tsira da amincin Allah su tabbata agare shi - gashinsa ya yi datti, kuma muryarsa mai ƙarfi, ba'a fahimtar abinda yake faɗa, har ya kusanto ga annabi - tsira da amincin Allah su tabbata agare shi -, sai ya yi tambaya game da farillan musulunci?

Sai annabi - tsira da amincin Allah su tabbata agare shi - ya fara da sallah, kuma ya sanar da shi cewa Allah Ya faralanta masa salloli biyar a cikin kowanne yini da dare.

Sai ya ce: Shin wani abu daga salloli sun wajaba a kaina banda waɗannan biyar ɗin?

Sai ya ce: A'a, sai dai idan ka yi nafila daga sallolin nafila.

Sannan tsira da amincin Allah su tabbata agare shi ya ce: Daga abinda Allah Ya wajabta shi akanka azumin watan Ramadan.

Sai mutumin ya ce: Shin akwai wani abu na azimi da ya wajaba a kaina banda azimin Ramadan?

Sai ya ce: A'a, saidai idan ka yi nafila da wani azimi.

Sannan tsira da amincin Allah su tabbata agare shi ya ambata masa zakka.

Sai mutumin ya ce: Shin wani abu na sadaka bayan farillar zakka ya wajaba a kaina?

Ya ce: A'a, saidai idan ka yi nafila.

Bayan mutumin ya ji waɗannan bayanai daga manzon Allah - tsira da amincin Allah su tabbata agare shi - sai ya juya baya ya yi rantsuwa da Allah - Maɗaukakin sarki - cewa shi zai dawwama a kansu ba tare da ƙari ko ragi ba, sai tsira da amincin Allah su tabbata agare shi ya ce bayan haka: Idan ya gasgata abinda ya faɗa akan abinda ya rantse akansa to shi zai zama daga masu rabauta.

Koyarwar hadisin: ya rabauta idan gasgata hakan

Saukin shari’ar musulunci da sauƙinta akan wadanda aka dorawa ita.
Kyakkyawan mu'amalarsa - tsira da amincin Allah su tabbata agare shi - ga wannan mutumin, haƙiƙa ya ba shi damar zuwa kusa da shi da kuma tambayarsa.
Farawa a cikin Da’awah zuwa ga Allah - Maɗaukkain sarki - da mafi muhimmanci sai mafi muhimmanci.
Musulunci aƙida ne da aiki, ba wani aiki da zai yi amfani ba tare da imani ba, kuma imani ba ya amfani ba tare da aiki ba.
Muhimmancin waɗannan ayyukan kuma cewa su suna daga rukunan musulunci.
Sallar Juma'a tana shiga cikin salloli biyar na wajibai; domin ita Juma’a canji ce daga sallar azahar ɗin ranar Juma'a ga wanda ta wajaba akansa.
Annabi - tsira da amincin Allah su tabbata agare shi - ya fara koyar da shi mafi ƙarfin farillan musulunci su ne rukunansa bayan kalamar shahada; domin shi ya kasance musulmi ne, bai ambaci hajji ba; domin shi kafin a wajabta shi ne, ko kuma shi lokacinsa bai zo ba.
Idan mutum ya taƙaita akan wajibi a cikin shari'a to shi ya rabauta, sai dai wannan ba ya nufin ba'a sunnanta masa ya zo da nafila ba; domin nafila farillai suna cika da ita ne a ranar AlKiyama.

Rukunan : ILIMIN AƘIDA · SUNAYE DA HUKUNCE-HUKUNCE · MUSULUNCI

← Idan Allah Madaukakin Sarki yana son rahamar al'ummar da Annabin ta ya… Mafificin yinin da rana ta ɓullo a cikinsa yinin Juma'a →

بسم الله الرحمن الرحيم Tal 15 Jumada al-Awwal
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Lalle, Allah da malã'ikunSa sunã salati ga Annabi. Yã kũ waɗanda suka yi ĩmãni! Ku yi salãti a gare shi, kuma ku yi sallama dõmin amintarwa a gare shi.

Al-Ahzab 33:56

Salati ga Manzon Allah