Rantsuwa mai sa anfani ce a haja (kayan sayarwa), kuma mai shafe albarkar riba ce

Musulunci > Ha > Hadith > Ladubba na sharia > Rantsuwa mai sa anfani ce a haja (kayan sayarwa), kuma mai shafe albarkar riba ce

Wanda ya ruwaito hadisin: Bukhari da Muslim ne suka rawaito shi

Ingantacce ne

Sommaire

Rubutun hadisi
Bayanin hadisi
Koyarwar hadisi

An sabunta a 26 Oktoba 2026 23h26

📖 Karatu minti 1

Rubutun hadisin: Rantsuwa mai sa anfani ce a haja (kayan sayarwa), kuma…

Bayanin hadisin: Rantsuwa mai sa anfani ce a haja (kayan sayarwa), kuma…

Annabi - tsira da amincin Allah su tabbata agare shi - ya yi gargaɗi akan rantsuwa da kuma yawaita ta koda ta kasance akan gaskiya ne a siye da siyarwarsa, kuma ya bada labarin cewa ita sababi ce ta yawaitar haja da kaya da kuma samun ribarsu, sai dai hakan tawaya ce kuma ɓata albarkar riba ce da kuma kasuwanci, Allah - Maɗaukakin sarki - Zai iya dora wasu abubuwa da zasu ɓata su kodai ta hanyar sata ko gobara ko dilmiya a ruwa ko ƙwace ko fizge ko wasu abubuwa masu bijirowa daban waɗanda dukiyarsa zata lalace saboda su.

Koyarwar hadisin: Rantsuwa mai sa anfani ce a haja (kayan sayarwa), kuma…

Girmama al'amarin rantsuwa da Allah, kuma cewa ita ba ta kasancewa sai dan wata buƙata.
Kasuwanci na haram koda girmansa ya yawaita; to shi abin cirewa albarka ne babu alheri a cikinsa.
AlƘari ya ce: Tafiyar albarkar abin kasuwanci; kodai dan lalacewa ne wanda zai riske shi a cikin dukiyarsa, ko dan ciyar da shi a abinda anfaninsa ba zai koma zuwa gare shi ba a nan duniya ko ladansa a nan gaba (lahira), ko ya wanzu a wurinsa kuma a haramta masa anfaninsa, ko wanda ba zai gode masa ba ya gaje Shi.
Annawawi ya ce: A cikinsa akwai hani akan yawan rantsuwa a cikin ciniki, domin rantsuwa ba tare da wata buƙata ba abin ƙi ce, kuma zai haɗa da yawaitar haja gare shi, wataƙila mai siye ya ruɗu da rantsuwar.
Yawan rantsuwa tawaya ne a imani, kuma tawaya ne a cikin Tauhidi; domin cewa yawan rantsuwa yana kaiwa zuwa abubuwa biyu: Na farkonsu: Sakaci a cikin hakan da rashin kulawa, al'amari na biyu: Ƙarya, domin cewa duk wanda rantsuwarsa ta yawaita zai afka cikin ƙarya, to ƙaranta hakan yana kamata da kuma rashin yawaita rantsuwa, saboda haka ne tsarki ya tabbatar maSa Ya ce: {Ku kiyaye rantse-rantsenku} [al-Ma'idah: 89].

Rukunan : LADUBBA NA SHARI'A · LADUBBAN MAGANA DA SHIRU · FALALOLI DA LADUBBA

← "Ya kai baban Hassan, yaya Annabi ya wayi gari? ya ce: ya wayi gari ci… Manzon Allah ya kasance idan yayi tafiya yana neman tsarin Allah daga … →

بسم الله الرحمن الرحيم Tal 15 Jumada al-Awwal
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Lalle, Allah da malã'ikunSa sunã salati ga Annabi. Yã kũ waɗanda suka yi ĩmãni! Ku yi salãti a gare shi, kuma ku yi sallama dõmin amintarwa a gare shi.

Al-Ahzab 33:56

Salati ga Manzon Allah