Mafi alherinku zamanina, sannan waɗanda suke biye musu, sannan waɗanda suke biye musu
Musulunci > Ha > Hadith > Falalar sahabbai > Mafi alherinku zamanina, sannan waɗanda suke biye musu, sannan waɗanda suke biye musu
Wanda ya ruwaito hadisin: Bukhari da Muslim ne suka rawaito shi
Ingantacce ne
An sabunta a 26 Oktoba 2026 23h26
📖 Karatu minti 1
Rubutun hadisin: Mafi alherinku zamanina, sannan waɗanda suke biye musu,…
Bayanin hadisin: Mafi alherinku zamanina, sannan waɗanda suke biye musu,…
Annabi - tsira da amincin Allah su tabbata agare shi - ya bada labarin cewa mafi alherin ɗabaƙa ta mutane masu taruwa a zamani ɗaya sune ɗabaƙar sahabban da a cikinsa akwai Manzon Allah - tsira da amincin Allah su tabbata agare shi - da sahabbansa, sannan waɗanda suke biye musu cikin muminan da suka riski sahabbai amma ba su riski Manzon Allah ba, sannan waɗanda suke biye musu sune masu biyewa tabi'ai, sahabin ya yi kaikawo a cikin ambatan waɗanda suke biye musu ga ƙarni na huɗu. Sannan tsira da amincin Allah su tabbata agare shi - ya ce: Lallai a bayansu za'a samu wasu mutane zasu dinga ha'inci, mutane ba za su amince da su ba, kuma zasu dinga yin shaida kafin a nemi shaida daga garesu, zasu yi bakance ba sa cikawa, zasu dinga yalwatawa a ciye-ciye da abubuwan sha har sai ƙiba ta bayyana a cikinsu.
Koyarwar hadisin: Mafi alherinku zamanina, sannan waɗanda suke biye musu,…
- Mafi alherin ƙarni da jama'a a dukkan shekarun duniya shi ne ƙarnin da Annabi - tsira da amincin Allah su tabbata agare shi - ya rayu a cikinsa da sahabbansa, haƙiƙa ya zo a cikin Sahihul Bukhari daga gare shi - tsira da amincin Allah su tabbata agare shi - cewa shi ya ce: "An aikoni daga mafi alherin zamaninnikan Banu Adam ƙarni sai ƙarni, har na zama daga ƙarnin da nake a cikinsa".
- Ibnu Hajar ya ce: Wannan hadisin ya hukunta cewa sahabbai su zama sun fi tabi'ai, tabai'ai kuma sun fi waɗanda ke binsu, sai dai wannan fifikon shin dangane da tattaron jama'a ne ko ɗaiɗaiku? Wannan abu ne na bincike, amma ra'ayi na biyun (ɗaiɗaiku) shi ne wanda jumhur ɗin malamai suka tafi akai.
- Nuni zuwa lazimtar bin hanyar zamaninnika uku na farko; domin cewa wanda zamaninsa ya kusanci zamanin Annabta to shi ya fi falala da ilimi da koyi da shiriyar Annabi - tsira da amincin Allah su tabbata agare shi -.
- Bakance: Shi ne mukallafi ya lazimtawa kansa wani aikin ɗa'ar da Mai Shari’a ba ta lazimta masa ba ta hanyar maganar da take nuni a kansa.
- Zargin ha'inci da rashin cika alƙawari da rataya da duniya.
- Zargin shaida ba tare da an nemi shaidarsu ba idan mai haƙƙin yana sanin hakan, idan ya kasance ba shi da sanin hakan sai ya shiga cikin faɗinsa - tsira da amincin Allah su tabbata agare shi -: «Shin bana baku labari ba da mafi alherin masu shaida shi ne wanda yake zuwa da shaidarsa kafin a tambaye shi ita» Muslim ne ya ruwaito shi .
Rukunan :
FALALAR SAHABBAI
· ILIMIN AƘIDA
· Imani da Manzanni
· SAHABBAI
· KARAMOMIN WALIYYAI
بسم الله الرحمن الرحيم
Tal 15 Jumada al-Awwal
الثلاثاء 15 جمادى الأولى
اللهم صل على محمد
Ya Allah, ka saukar da tsira a kan Muhammad