Një njeri e pyeti Profetin ﷺ për Kiametin, duke thënë: "Kur është Kiameti?" - “Çka ke përg…

Islami > Sq > Hadithe > Rekaik keshilla > Një njeri e pyeti Profetin ﷺ për Kiametin, duke thënë: "Kur është Kiameti?" - “Çka ke përg…

Hadithin e transmetoi: Muttefek alejhi

Sahih

Sommaire

Teksti i hadithit
Shpjegimi i hadithit
Mësimet e hadithit

Përditësuar më 26 tetor 2026 në 23h26

📖 1 min lexim

Teksti i hadithit: Një njeri e pyeti Profetin ﷺ për Kiametin, duke thënë:…

Shpjegimi i hadithit: Një njeri e pyeti Profetin ﷺ për Kiametin, duke thënë:…

Një beduin që jetonte në shkretëtirë e pyeti Profetin ﷺ se kur do të ndodhë Kiameti.

Atëherë Profeti ﷺ i tha: "Çfarë veprash të mira ke përgatitur për atë Ditë?"

Pyetësi tha: "Nuk kam përgatitur ndonjë vepër të madhe për atë Ditë, përveçse e dua Allahun dhe të Dërguarin e Tij. Ai nuk përmendi ndonjë adhurim tjetër të zemrës, trupit ose të financave, sepse të gjitha janë degë të dashurisë që rrjedhin prej dashurisë ndaj Allahut dhe të Dërguarit të Tij dhe se dashuria e sinqertë e motivon njeriun të përpiqet të bëjë vepra të mira.

Kësisoj Profeti ﷺ i tha: "Ti do të jesh në Xhenet me atë që ke dashur."

Shokët e Profetit ﷺ u gëzuan skajshmërisht me këtë sihariq.

Pastaj Enesi (Allahu qoftë i kënaqur me të!) tregoi se e do Profetin ﷺ, Ebu Bekrin dhe Omerin, si dhe shpreson të jetë me ta (në Xhenet), edhe nëse veprat e tij nuk ishin si veprat e tyre.

Mësimet: Një njeri e pyeti Profetin ﷺ për Kiametin, duke thënë:…

Urtësia e të Dërguarit të Allahut ﷺ në përgjigjen ndaj pyetësit, meqë e udhëzoi drejt asaj që është në interes të tij dhe e shpëton, që është: "Përgatitja për botën tjetër me atë që është e dobishme dhe vepra të mira."
Allahu e ka fshehur diturinë se kur do të ndodhë Kiameti nga robërit e Tij, në mënyrë që ata të rrinë të përgatitur për takimin me Të.
Vlera e dashurisë së Allahut, të Dërguarit të Tij, burrave të mirë besimtarë dhe paralajmërimi kundër dashurisë ndaj idhujtarëve.
Fjala e Profetit ﷺ: "Ti do të jesh me ata që i do" nuk nënkupton barazinë në shkallë dhe në pozitë, por qëllimi është se ata do të jenë në Xhenet, ku secili prej tyre të mund ta shohë tjetrin, edhe nëse vendi i tyre është larg njëri-tjetrit.
Udhëzimi i muslimanit që të fokusohet në atë që është më e mira dhe më e dobishmja për të, si dhe t'i flakë pyetjet rreth gjërave që nuk i bëjnë dobi.

Kategoritë : Rekaik - këshilla · Akidja · Veprat e zemrave · Vlerat dhe rregullat · BESIMI NË DITËN E FUNDIT

← “Kjo botë është e ëmbël dhe e bukur. Allahu do t'ju bëjë zëvendës në T… “Shoku i mirë dhe shoku i keq i shëmbëllejnë shitësit të parfumit dhe … →

بسم الله الرحمن الرحيم Mar 15 Xhumadal-Ula
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Është e vërtetë se All-llahu dhe engjëjt e Tij me madhërim e mëshirojnë Pejgamberin. O ju që keni besuar, madhëronie pra atë (duke rënë salavatë) dhe përshëndeteni me selam.

Al-Ahzab 33:56

Salavati për Pejgamberin