“Melekët nuk hyjnë në atë shtëpi që ka qen ose piktura (frymorësh).”

Islami > Sq > Hadithe > Akidja > “Melekët nuk hyjnë në atë shtëpi që ka qen ose piktura (frymorësh).”

Hadithin e transmetoi: Muttefek alejhi

Sahih

Tabela e përmbajtjes :

Teksti i hadithit
Shpjegimi i hadithit
Mësimet e hadithit

Përditësuar më 26 tetor 2026 në 23h26

📖 1 min lexim

Teksti i hadithit: “Melekët nuk hyjnë në atë shtëpi që ka qen ose piktura…

Shpjegimi i hadithit: “Melekët nuk hyjnë në atë shtëpi që ka qen ose piktura…

Profeti ﷺ në këtë hadith tregon se melekët e mëshirës nuk hyjnë në atë shtëpi ku ka qen ose ndonjë pikturë të qenieve të gjalla. Kjo, se piktura e diçkaje që ka frymë është një mëkat i rëndë, se përmban imitim të krijimit të Allahut dhe është mjet drejt shirkut. Madje, disa prej tyre janë piktura që adhurohen në vend të Allahut. Sa i përket arsyes së abstenimit të tyre nga një shtëpi ku ka qen, është për faktin se ai ha shumë papastërti dhe për shkak se disa prej tyre quhen shejtanë, ndërkohë melekët janë kundër shejtanëve. Dhe se qeni mban erë të keqe, ndërsa melekët e urrejnë erën e keqe... Rrjedhimisht, ai që i mban këto piktura, ndëshkohet në atë formë që melekët e mëshirës privohen të hyjnë në shtëpinë e tij, të falen aty, të kërkojnë falje për të, të luten për bekim për të dhe për shtëpinë e tij e për ta larguar dëmin e shejtanit prej tij.

Mësimet: “Melekët nuk hyjnë në atë shtëpi që ka qen ose piktura…

Ndalohet mbajtja e qenit, përveç qenit të gjuetisë, bagëtisë ose të fermës.
Përvetësimi i pikturave (me qenie të gjalla) është një nga gjërat e shëmtura, nga të cilat melekët zmbrapsen dhe prania e tyre në një vend shkakton privim nga mëshira dhe i tillë është rasti me qenin.
Melekët që nuk hyjnë në shtëpi ku ka qen ose figura frymorësh janë melekët e mëshirës. Por, sa u përket melekëve mbrojtës dhe të tjerëve që janë të ngarkuar me ndonjë mision, si: meleku i vdekjes, atëherë ata hyjnë në çdo shtëpi.
Është haram të vendosen në mur ose diku tjetër fotografitë me figura frymorësh.
Hatabi ka thënë: "Pra, melekët nuk hyjnë në atë shtëpi ku ka qen ose figura që janë ndaluar të mbahen, ndërsa qentë që nuk janë të ndaluar, bie fjala, qeni i gjuetisë, fermës, bagëtive, si dhe figurat që përdoren në qilima, jastëkë dhe gjëra të tjera, melekët nuk pengohen të hyjnë për shkak të tyre."

Kategoritë : Akidja · Besimi në Allahun e Lartësuar · Teuhidi uluhije

← Kjo që ndodh është një fjalë e vërtetë, të cilën ndonjë xhin e grabit … “Melekët nuk e shoqërojnë atë grup të njerëzve që kanë qen apo këmborë →

بسم الله الرحمن الرحيم Mër 16 Xhumadal-Ula
الأربعاء 16 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Është e vërtetë se All-llahu dhe engjëjt e Tij me madhërim e mëshirojnë Pejgamberin. O ju që keni besuar, madhëronie pra atë (duke rënë salavatë) dhe përshëndeteni me selam.

Al-Ahzab 33:56

Salavati për Pejgamberin