“Ai që i mëson përmendsh dhjetë ajetet e para të sures Kehf, do të jetë i mbrojtur nga (sp…
Islami > Sq > Hadithe > Kueani fisnik dhe shkencat e kuranit > “Ai që i mëson përmendsh dhjetë ajetet e para të sures Kehf, do të jetë i mbrojtur nga (sp…
Hadithin e transmetoi: Transmeton Muslimi
Sahih
Përditësuar më 26 tetor 2026 në 23h26
📖 1 min lexim
Teksti i hadithit: “Ai që i mëson përmendsh dhjetë ajetet e para të sures…
Shpjegimi i hadithit: “Ai që i mëson përmendsh dhjetë ajetet e para të sures…
Profeti ﷺ në këtë hadith tregoi se kush i mëson përmendsh dhjetë ajetet e para të sures Kehf, do të ruhet, do të mbrohet dhe do të jetë i siguruar nga sprova e mesihut Dexhall, i cili do të shfaqet në fund të kohës dhe do të pretendojë se është zot. Sprova e tij do të jetë sprova më e madhe që ka përjetuar toka, që nga krijimi i Ademit e deri në Ditën e Kiametit, për shkak të veprimeve të jashtëzakonshme që Allahu i Lartësuar do t’ia mundësojë atij, për të mashtruar ndjekësit e tij. Kjo, ngase në fillim të sures Kehf ka tregime dhe argumente madhështore, që janë më të mëdha sesa ato që Dexhalli do të përdorë për të hutuar njerëzit. Kështu, kush mendon e mediton mbi to, nuk do të mashtrohet prej tij. Në një transmetim tjetër, thuhet se janë dhjetë ajetet e fundit të kësaj sureje, që fillojnë me fjalën e Allahut: "A mos mendojnë jobesimtarët se mund t’i marrin robërit e Mi për mbrojtës përveç Meje…"
Mësimet: “Ai që i mëson përmendsh dhjetë ajetet e para të sures…
- Ky hadith tregon vlerën e sures Kehf, se fillimi ose fundi i saj mbron nga sprova e Dexhallit.
- Njoftimi rreth çështjes së Dexhallit dhe sqarimi i asaj që mbron prej tij.
- Inkurajimi për ta mësuar përmendsh tërë suren Kehf, e nëse nuk mundet, le t’i mësojë dhjetë ajetet e para dhe të fundit.
- Kurtubiu ka thënë për shkakun e kësaj mbrojtjeje: “Thuhet se kjo është për shkak të mrekullive dhe shenjave që gjenden në historinë e Banorëve të Shpellës, e kush mediton mbi të nuk do të çuditet nga çështja e Dexhallit dhe nuk do të frikësohet prej tij, e kështu nuk do të mashtrohet. Gjithashtu, është thënë se kjo lidhet me fjalën e Allahut: "... për të paralajmëruar nëpërmjet tij, dënim të ashpër (për jobesimtarët) ...", që nënvizon ashpërsinë e dënimit dhe faktin se ai vjen nga Allahu, e kjo përputhet me atë që do të ndodhë nga Dexhalli, i cili pretendon hyjnizimin, sundimin e tij dhe sprovën do ta ketë të madhe. Për këtë arsye, Profeti ﷺ e konsideroi të madhe çështjen e tij, paralajmëroi ndaj tij dhe kërkoi mbrojtje tek Allahu nga sprova e tij. Prandaj, kuptimi i hadithit është: Kush i lexon këto ajete, i mediton dhe ndalet në kuptimin e tyre, do të ruhet prej tij dhe do të jetë i sigurt.”
Kategoritë :
Kueani fisnik dhe shkencat e Kuranit
· Vlera e Kuranit
· Akidja
· Vlera e sureve dhe ajeteve
· BESIMI NË DITËN E FUNDIT
· Shenjat e Kiametit
بسم الله الرحمن الرحيم
Mar 15 Xhumadal-Ula
الثلاثاء 15 جمادى الأولى
سبحان الله وبحمده
Lavdi dhe falënderim Allahut