Me të vërtetë rukjet (yshtjet, që nuk përputhen me fenë), temimet (hajmalitë) dhe tiveleja…

Islami > Sq > Hadithe > Fikhu dhe bazat e fikhut > Me të vërtetë rukjet (yshtjet, që nuk përputhen me fenë), temimet (hajmalitë) dhe tiveleja…

Hadithin e transmetoi: Transmetojnë Ebu Davudi, Ibn Maxhe dhe Ahmedi

Sahih

Sommaire

Teksti i hadithit
Shpjegimi i hadithit
Mësimet e hadithit

Përditësuar më 26 tetor 2026 në 23h26

📖 1 min lexim

Teksti i hadithit: Me të vërtetë rukjet (yshtjet, që nuk përputhen me fenë…

عن عبد الله بن مسعود رضي الله عنه قال: سمعت رسول الله صلى الله عليه وسلم يقول: «إنَّ الرُّقَى والتَمائِمَ والتِّوَلَةَ شِرْكٌ».

Shpjegimi i hadithit: Me të vërtetë rukjet (yshtjet, që nuk përputhen me fenë…

Profeti ﷺ sqaroi se veprimi i disa gjërave është shirk (idhujtari). Prej tyre theksoi:

1. Rukjet (yshtjet): fjalë përmes të cilave kërkonin shërim njerëzit e xhahilietit (periudhës para se të vinte Profeti), të cilat përmbanin shirk.

2. Hajmalitë prej rruazave dhe të ngjashme, të cilat u ngjiten fëmijëve, kafshëve dhe të tjerëve, për të shmangur mësyshin.

3. Tivele, e cila bëhet për ta bërë të dashur njërin bashkëshort për tjetrin.

Këto gjëra janë shirk, sepse është konsideruar diçka shkak (për shërim etj.), që nuk është shkak fetar, që vërtetohet me argument, e as shkak konkret, që vërtetohet me përvojë. Sa u përket shkaqeve fetare, si: leximi i Kuranit ose shkaqeve konkrete, siç janë barnat, që janë vërtetuar me përvojë (se janë të dobishme), ato lejohen, por duke besuar se janë shkaktare dhe se dobia dhe dëmi janë në Dorë të Allahut.

Mësimet: Me të vërtetë rukjet (yshtjet, që nuk përputhen me fenë…

Mbrojtja e teuhidit dhe akides nga gjërat që e cenojnë atë.
Është haram të përdoren rukjet shirkore, hajmalitë dhe tiveletë.
Nëse njeriu ka bindje se këto tria janë shkaqe, atëherë një veprim i tillë është shirk i vogël, sepse i tilli e konsideroi shkak një gjë që nuk është shkak, ndërsa bindja se ato vetvetiu bëjnë dobi dhe dëm, është shirk i madh (që e nxjerr njeriun nga feja).
Tërheqja e vërejtjes nga veprimi i shkaqeve shirkore dhe të ndaluara.
Ndalimi i rukjeve dhe se ato janë shirk, përveç asaj që është legjitime (me Kuran dhe Sunet).
Zemra duhet të lidhet vetëm me Allahun, sepse vetëm nga Ai, i Cili nuk ka ortak, vjen dëmi dhe dobia, kështu që askush nuk sjell të mira përveç Allahut dhe askush nuk e largon të keqen përveç Tij.
Rukje e lejuar është ajo që përfshin tri kushte: 1. Të besojë se ajo është shkak dhe bën dobi vetëm me lejen e Allahut. 2. Të bazohet në Kuran, në emrat dhe cilësitë e Allahut, në lutjet profetike dhe në lutjet e ligjshme. 3. Të jetë në gjuhë të kuptueshme dhe të mos përmbajë fjalë të pakuptueshme dhe magji.

Kategoritë : Mjekësia, kurimi dhe rukjeja · Rukjeja sheriatike · Fikhu dhe bazat e fikhut

← “Urdhërojini fëmijët tuaj të falen që në moshën shtatë vjeçe e disipli… “O Ebu Dherr, kur të përgatitësh ndonjë gjellë, shtoji ujë më tepër, q… →

بسم الله الرحمن الرحيم Mar 15 Xhumadal-Ula
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Është e vërtetë se All-llahu dhe engjëjt e Tij me madhërim e mëshirojnë Pejgamberin. O ju që keni besuar, madhëronie pra atë (duke rënë salavatë) dhe përshëndeteni me selam.

Al-Ahzab 33:56

Salavati për Pejgamberin