Gjidhënia i ndalon ato lidhje martesore, që i ndalon edhe afërsia e gjakut

Islami > Sq > Hadithe > Fikhu dhe bazat e fikhut > Gjidhënia i ndalon ato lidhje martesore, që i ndalon edhe afërsia e gjakut

Hadithin e transmetoi: Muttefek alejhi

Sahih

Teksti i hadithit: Gjidhënia i ndalon ato lidhje martesore, që i ndalon ed…

عَنْ عَائِشَةَ رَضِيَ اللَّهُ عَنْهَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «الرَّضَاعَةُ تُحَرِّمُ مَا تُحَرِّمُ الوِلَادَةُ».

Shpjegimi i hadithit: Gjidhënia i ndalon ato lidhje martesore, që i ndalon ed…

Mësimet: Gjidhënia i ndalon ato lidhje martesore, që i ndalon ed…

• Hadithi shërben si rregull për dispozitat që kanë të bëjnë me gjidhënien.
• Ibën Haxheri ka thënë: "Fjala e Profetit ﷺ: “Gjidhënia i ndalon ato lidhje martesore, që i ndalon edhe afërsia e gjakut”,- nënkupton gjithashtu se gjidhënia i lejon të njëjtat gjëra që i lejon lidhja e gjakut. Kjo është me konsensus sa i përket ndalimit të martesës dhe çështjeve që lidhen me të si dhe të përhapjes së ndalesës (së martesës dhe gjërave që lidhen me të) mes foshnjës që i është dhënë gji dhe fëmijëve të gjidhënëses; ata konsiderohen të afërm në aspektin e lejimit të shikimit (të tyre), qëndrimit vetëm me ta dhe udhëtimit me ta. Mirëpo, nga gjëdhënia nuk nuk rrjedhin dispozitat e tjera të mëmësisë, siç janë trashëgimia mes tyre, detyrimi i shpenzimeve, lirimi nga robëria për shkak të pronësisë, dispozitat e dëshmisë, marrja e përgjegjësisë për pagimin e kompensimit të gjakut (në rast të vrasjes pa qëllim) dhe falja e hakmarrjes (kisasi)."
• Hadithi dëshmon se ndalesa e lidhjeve martesore që hyn në fuqi nga gjidhënia është ndalesë e përhershme.
• Hadithet e tjera dëshmojnë se ndalesa për shkak të gjidhënies hyn në fuqi kur foshnjes i jepet gji pesë herë, në mënyrë të sigurtë, brenda dy viteve të para të lindjes.
• Martesat e ndaluara nga lidhja e gjakut janë: nënat, këtu përfshihen dhe gjyshet, stërgjyshet e më lart, nga nëna dhe nga babai. Bijat, këtu përfshihen edhe mbesat e stërmbesat etj, që rrejdhin nga vajzat dhe nga djemtë. Motrat: nga babai dhe nëna, apo nga njëri prej tyre. Hallat, këtu përfshihen të gjitha motrat e babait, si ato nga i njëjti prind ashtu edhe ato nga prindër të ndryshëm, si dhe të gjitha motrat e gjyshërve, edhe nëse janë më lart në gjenerata. Tezet, këtu përfshihen të gjitha motrat e nënës, si ato nga i njëjti prind ashtu edhe ato nga prindër të ndryshëm, si dhe të gjitha motrat e gjysheve, edhe nëse janë më lart në gjenerata, qofshin gjyshe nga babai apo nga nëna. Bijat e vëllait dhe bijat e motrës, këtu përfshihen edhe bijat e tyre, edhe nëse janë më poshtë.
• Martesat e ndaluara nga gjidhënia: Gjidhënia i ndalon ato lidhje martesore që i ndalon edhe lidhja e gjakut, kështu që çdo grua që është e ndaluar nga lidhja e gjakut, ndalohet edhe nga lidhja e gjidhënies, përveç nënës së vëllait dhe motrës së djalit nga gjidhënia, të cilat nuk janë të ndaluara.

Kategoritë : Fikhu që ka të bëjë me familjen · Gjidhënia · Fikhu dhe bazat e fikhut