“Gjaku i muslimanit, që dëshmon se vetëm Allahu meriton të adhurohet dhe se unë jam i Dërg…
Islami > Sq > Hadithe > Fikhu dhe bazat e fikhut > “Gjaku i muslimanit, që dëshmon se vetëm Allahu meriton të adhurohet dhe se unë jam i Dërg…
Hadithin e transmetoi: Muttefek alejhi
Sahih
Përditësuar më 26 tetor 2026 në 23h26
📖 1 min lexim
Teksti i hadithit: “Gjaku i muslimanit, që dëshmon se vetëm Allahu meriton…
عَنِ ابنِ مَسعُودٍ رَضِيَ اللَّهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «لَا يَحِلُّ دَمُ امْرِئٍ مُسْلِمٍ إِلَّا بِإِحْدَى ثَلَاثٍ: الثَّيِّبُ الزَّانِي، وَالنَّفْسُ بِالنَّفْسِ، وَالتَّارِكُ لِدِينِهِ المُفَارِقُ لِلْجَمَاعَةِ».
Shpjegimi i hadithit: “Gjaku i muslimanit, që dëshmon se vetëm Allahu meriton…
Profeti ﷺ në këtë hadith e bëri të qartë se gjaku i muslimanit është i shenjtë (i ndaluar për t’u derdhur), përveç në këto tri raste: I pari: Ai që bie në mëkatin e zinasë, ndërkohë që është martuar me një kontratë të vlefshme (martesore), atëherë lejohet të dënohet me gurëzim deri në vdekje. I dyti: Ai që vret me qëllim, një shpirt të pafajshëm pa të drejtë, vritet sipas kushteve të përcaktuara për këtë rast. I treti: Ai që del nga xhemati (bashkësia e) muslimanëve; qoftë duke braktisur tërë fenë islame, duke bërë riddeh (dezertim), ose duke u ndarë pa bërë dezertim; duke lënë disa pjesë të saj, siç janë rebelët, kusarët dhe kryengritësit e armatosur si havarixhët etj.
Mësimet: “Gjaku i muslimanit, që dëshmon se vetëm Allahu meriton…
- Ndalohet kryerja e këtyre tri gjërave, dhe ai që e kryen njërën prej tyre e meriton dënimin me vdekje: qoftë për shkak të kufrit (daljes nga feja), ose si masë ndëshkimore nga ana e sheriatit si në rastin e të martuarit lavir dhe vrasësit i cili vret dikë me dashje.
- Detyrimi për ta ruajtur nderin të pastër.
- Detyrimi për ta respektuar muslimanin dhe se gjaku i tij është i paprekshëm.
- Inkurajimi për të qëndruar pranë xhematit të muslimanëve dhe për të mos u larguar nga ata.
- Mënyra e bukur e mësimdhënies nga ana e Profetit ﷺ, ku fjalët e tij ndonjëherë paraqiten me klasifikime; sepse klasifikimet i përmbledhin çështjet dhe i sistemojnë, dhe është më e lehtë për ti mbajtur mend.
- Allahu i ka ligjësuar ndëshkimet penale (ar. hudud) për të penguar keqbërësit dhe për të mbrojtur shoqërinë nga krimet dhe dëmet.
- Zbatimi i këtyre ndëshkimeve penale është përgjegjësi ekskluzive e sundimtarit.
- Shkaqet e dënimit me vdekje janë më shumë se tre, por ato nuk dalin jashtë tyre. Ibnul Arabi Malikiu ka thënë: “Ato në asnjë rast nuk dalin jashtë këtyre të triave, sepse kush bën magji ose fyen ndonjë pejgamber të Allahut, ka bërë kufër, dhe kështu hyn në kategorinë e atij që e ka lënë fenë.”
Kategoritë :
Hududet - ndëshkimet e paracaktuara sheriatikisht
· Norma që kanë të bëjnë me hududet
· Fikhu dhe bazat e fikhut
بسم الله الرحمن الرحيم
Mar 15 Xhumadal-Ula
الثلاثاء 15 جمادى الأولى
حسبنا الله ونعم الوكيل
Allahu na mjafton, sa i miri Mbrojtës