“Allahu i dëshiron tri gjëra nga ju dhe i urren tri tjera

Islami > Sq > Hadithe > Fikhu qe ka te beje me familjen > “Allahu i dëshiron tri gjëra nga ju dhe i urren tri tjera

Hadithin e transmetoi: Transmeton Muslimi

Sahih

Sommaire

Teksti i hadithit
Shpjegimi i hadithit
Mësimet e hadithit

Përditësuar më 26 tetor 2026 në 23h26

📖 1 min lexim

Teksti i hadithit: “Allahu i dëshiron tri gjëra nga ju dhe i urren tri tje…

Shpjegimi i hadithit: “Allahu i dëshiron tri gjëra nga ju dhe i urren tri tje…

Profeti ﷺ në këtë hadith tregoi se Allahu i dëshiron tri cilësi nga robërit e Tij dhe i urren tri të tjera. Ai i do prej tyre këto: 1. Ta adhurojnë vetëm Atë dhe të mos i shoqërojnë asgjë në adhurim.

2. Të kapen të gjithë së bashku pas Litarit të Allahut, Kuranit dhe Sunetit të Profetit të Tij.

3. Të mos përçahen nga xhemati i muslimanëve, por të jenë të bashkuar dhe të mos ndahen. Ndërsa i urren për ta:

1. Fjalët e kota dhe të folurit e tepërt për çështje që nuk u përkasin.

2. Të pyesin për gjëra që nuk kanë ndodhur, ose t’u kërkojnë njerëzve pasuritë dhe paratë e tyre pa nevojë.

3. Shpërdorimin e pasurisë, shpenzimin e saj në rrugë të tjera përveç përdorimeve të lejuara dhe ekspozimin e saj ndaj humbjes.

Mësimet: “Allahu i dëshiron tri gjëra nga ju dhe i urren tri tje…

Allahu i Lartësuar do që adhurimi t'i kushtohet Atij sinqerisht dhe urren t'i bëhet kufër Atij (mosbesim).
Inkurajimi për t'u kapur fort për Litarin e Allahut të Lartësuar, sepse kjo çon në unitet dhe harmoni.
Inkurajimi për xhematin (bashkësinë), urdhërimi për t'iu përmbajtur atij dhe për t’i bashkuar radhët e tij, si dhe ndalimi i së kundërtës së kësaj: përçarjes dhe mosmarrëveshjes.
Ndalimi i të folurit të tepërt për gjëra që nuk i përkasin njeriut, sepse nëse janë të lejuara, në to ka humbje kohe, ndërsa nëse janë të ndaluara, në to ka shtim të mëkateve.
Të shmangësh përhapjen e lajmeve për njerëzit, ndjekjen e gjendjes së tyre dhe tregimin e fjalëve e veprave të tyre.
Ndalimi i kërkimit të tepruar të pasurisë së njerëzve.
Ndalimi i shpenzimit të pasurisë pa dobi dhe nxitja për ta ruajtur atë për gjërat që janë të dobishme.

Kategoritë : Fikhu që ka të bëjë me familjen · Shoqëria muslimane · Akidja · Fikhu dhe bazat e fikhut · Besimi në Allahun e Lartësuar · Teuhidi uluhije

← Por i Dërguari i Allahut ﷺ tha: “Unë nuk ua shtrëngoj dorën grave. Fja… “Pjesa e rrobës së poshtme, që është nën nyja, do të jetë në Zjarr.” →

بسم الله الرحمن الرحيم Mar 15 Xhumadal-Ula
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Është e vërtetë se All-llahu dhe engjëjt e Tij me madhërim e mëshirojnë Pejgamberin. O ju që keni besuar, madhëronie pra atë (duke rënë salavatë) dhe përshëndeteni me selam.

Al-Ahzab 33:56

Salavati për Pejgamberin