O Allah, me emrin Tënd e arrijmë mëngjesin dhe me emrin Tënd e arrijmë mbrëmjen, me emrin …

Islami > Sq > Hadithe > Fikhu qe ka te beje me lutjet dhe dhikrin > O Allah, me emrin Tënd e arrijmë mëngjesin dhe me emrin Tënd e arrijmë mbrëmjen, me emrin …

Hadithin e transmetoi: رواه أبو داود والترمذي والنسائي في الكبرى وابن ماجه

Hasen

Tabela e përmbajtjes :

Teksti i hadithit
Shpjegimi i hadithit
Mësimet e hadithit

Përditësuar më 26 tetor 2026 në 23h26

📖 2 min lexim

Teksti i hadithit: O Allah, me emrin Tënd e arrijmë mëngjesin dhe me emrin…

Shpjegimi i hadithit: O Allah, me emrin Tënd e arrijmë mëngjesin dhe me emrin…

Kur gdhihej, respektivisht kur hynte fillimi i ditës me lindjen e agimit (ar. fexhr), i Dërguari i Allahut ﷺ thoshte:

"O Allah, me emrin Tënd e arrijmë mëngjesin", të mbështjellë me ruajtjen Tënde, të mbuluar nga mirësia Jote, të angazhuar me përmendjen Tënde, duke kërkuar ndihmën përmes emrit Tënd, të përfshirë në udhëzimin Tënd dhe duke vepruar me fuqinë dhe mundësinë Tënde. "... dhe me emrin Tënd e arrijmë mbrëmjen, me emrin Tënd ngjallemi dhe me emrin Tënd vdesim..." njëjtë siç u përmend më parë, por në mbrëmje të thotë: "O Allah, me emrin Tënd e arrijmë mbrëmjen, me emrin Tënd, Jetëdhënësi, jetojmë dhe me emrin Tënd, Jetëmarrësi, vdesim." ... dhe tek Ti është ringjallja", domethënë kthimi pas vdekjes dhe shpërndarja pas bashkimit. Gjendja jonë vazhdon në këtë mënyrë në të gjitha kohët dhe rrethanat, pa u shkëputur dhe pa e braktisur atë.

Kur e zinte mbrëmja, që i bie nga pas ikindisë, thoshte: "O Allah, me emrin Tënd e arrijmë mbrëmjen dhe me emrin Tënd e arrijmë mëngjesin, me emrin Tënd ngjallemi dhe me emrin Tënd vdesim dhe tek Ti është kthimi." Domethënë, kthimi ynë në këtë botë dhe rikthimi ynë në botën tjetër janë tek Ti, sepse Ti je Ai që më jep jetë dhe më bën të vdes.

Mësimet: O Allah, me emrin Tënd e arrijmë mëngjesin dhe me emrin…

Është e pëlqyeshme të thuhet kjo lutje në mëngjes dhe në mbrëmje, duke ndjekur shembullin e Profetit ﷺ.
Njeriu ka nevojë për Zotin e tij në të gjitha gjendjet dhe kohët e tij.
Më e mira për thënien e dhikrit është në mëngjes. Është koha nga lindja e agimit deri në lindjen e diellit në fillim të ditës, dhe pas ikindisë deri para perëndimit të diellit. Nëse e thotë pas këtyre kohëve, pra, në mëngjes pas ngritjes së diellit, i llogaritet tamam. Po ashtu, nëse e thotë pas drekës, i llogaritet tamam, dhe po ashtu pas akshamit, i llogaritet tamam, meqë kjo është koha për dhikër.
Përshtatshmëria e këtij dhikri: "dhe tek Ti është ringjallja", që thuhet në mëngjes, qëndron në faktin se kjo e kujton njeriun për ringjalljen e madhe, kur njerëzit do të vdesin dhe do të ringjallen Ditën e Kiametit. Kjo është një ringjallje e re dhe një ditë e re, në të cilën shpirtrat kthehen, njerëzit përhapen dhe ky mëngjes i ri, që Allahu e krijoi, bëhet dëshmitar për birin e Ademit. Kështu që, koha dhe çastet janë depozita që ruajnë veprat tona.
Përshtatshmëria e këtij dhikri "dhe tek Ti është kthimi", për faktin që thuhet në mbrëmje, nënkupton se kur njerëzit kthehen nga punët e tyre dhe shpërndahen për nevojat dhe jetesën e tyre, ata rikthehen në shtëpitë e tyre dhe më pas pushojnë pas këtij angazhimi. Kjo e kujton njeriun për kthimin tek Allahu i Lartësuar, si destinacioni, përfundimi dhe vendqëndrimi i fundit.

Kategoritë : Fikhu që ka të bëjë me lutjet dhe dhikrin · Dhikri i mëngjesit dhe i mbrëmjes · Vlerat dhe rregullat

← O Allah, kërkoj mbrojtjen Tënde nga barra e rëndë e borxhit, nga mbizo… “Vërtet Zoti juaj është i Turpshëm dhe Bujar. Ai turpërohet nga robi i… →

بسم الله الرحمن الرحيم Mër 16 Xhumadal-Ula
الأربعاء 16 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Është e vërtetë se All-llahu dhe engjëjt e Tij me madhërim e mëshirojnë Pejgamberin. O ju që keni besuar, madhëronie pra atë (duke rënë salavatë) dhe përshëndeteni me selam.

Al-Ahzab 33:56

Salavati për Pejgamberin