Ku saurara lallai cewa giya haƙiƙa an haramtata

Musulunci > Ha > Hadith > Alurani mai girma da ilimansa > Ku saurara lallai cewa giya haƙiƙa an haramtata

Wanda ya ruwaito hadisin: Bukhari da Muslim ne suka rawaito shi

Ingantacce ne

Sommaire

Rubutun hadisi
Bayanin hadisi
Koyarwar hadisi

An sabunta a 26 Oktoba 2026 23h26

📖 Karatu minti 1

Rubutun hadisin: Ku saurara lallai cewa giya haƙiƙa an haramtata

Bayanin hadisin: Ku saurara lallai cewa giya haƙiƙa an haramtata

Anas ɗan Malik - Allah Ya yarda da shi - ya bada labarin cewa shi ya kasance yana cikin shayar da wanda yake cikin gidan mijin babarsa Abu Ɗalha - Allah Ya yarda da shi -, giyarsu ta kasance a wannan lokacin ita ce tsimi, shi ne cakuɗa bushasshen dabino da 'ya'yansa kafin ya zama ɗanye, sai ga mai kira daga Manzon Allah - tsira da amincin Allah su tabbata agare shi - yana kira: Ku saurara lallai cewa giya haƙiƙa an haramtata, ya ce: Sai Abu Ɗalha ya ce da ni: Ka fita, ka zubar da ita, sai na fita sai na zubar da ita, sai giyar ta kwarara a lungunan Madina, sai wasu daga mutane suka ce: Haƙiƙa an kashe (a jihadi) wasu sahabbai kafin haramtata alhali ita tana cikin cikinsu, sai Allah Ya saukar da:

{Babu laifi akan waɗanda suka yi imani kuma suka aikata aiki na gari a abinda suka dandana} [al-Ma'ida: 93] Aya. Wato: Babu zunubi akan waɗanda suka yi imani a cikin abinda suka dandana kuma suka sha na giya kafin haramtata.

Koyarwar hadisin: Ku saurara lallai cewa giya haƙiƙa an haramtata

Falalar Abu Ɗalha da sahabbai - Allah Ya yarda da su -, dan sun amsa umarnin Allah da gaggawa kuma ba tare da tambaya ba, wannan shi ne abinda ya kamata ga musulmi na gaskiya.
Giya: Ita Suna ne da ya ƙunshi dukkan abin da yake sa maye.
Fadikh: wani abin sha ne da ake yinsa daga 'ya'yan dabino da kuma bushasshensa ba tare da wuta ta taɓa shi ba, Busr kuwa: Shi ne 'ya'yan dabino kafin ya zama ɗanye.
Ibnu Hajar ya ce: Muhallab ya ce: Kawai an zubar da giyar ne a hanya dan bayyanar da ƙiyayyarta da kuma bayyanar da barinta, hakan ya fi rinjaye a maslaha daga cutuwa da zubar da ita a hanya.
Bayanin rahamar Allah ga bayinSa, kuma cewa Shi ba Ya yin hisabi akan aiki kafin saukar da hukunci.
Allah - Mai girma da ɗaukaka - Ya haramta giya; dan abinda ke cikinta na nau’ukan barna da zasu sa cuta ga hankali da kuma dukiya, saboda da ita ne mutum yake aikata zunubai da yawa; dan gushewar hankalinsa.

Rukunan : ALƘUR'ANI MAI GIRMA DA ILIMANSA · ABIBCICCIKA DA ABUBUWAN SHA · DALILAN SAUKAR (AYOYIN ALƘUR'ANI) · ABUBUWAN SHA NA HARAMUN · FIƘHU DA USULU · SAUKAR ALƘUR'ANI DA TATTARASHI

← Haƙiƙa an saukar mini da wata aya ita ce mafi soyuwa gareni daga dun… Ranar Al-kiyama za'a zo da Qur'ani da Ma'abotansa wadan da suke aiki d… →

بسم الله الرحمن الرحيم Tal 15 Jumada al-Awwal
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Lalle, Allah da malã'ikunSa sunã salati ga Annabi. Yã kũ waɗanda suka yi ĩmãni! Ku yi salãti a gare shi, kuma ku yi sallama dõmin amintarwa a gare shi.

Al-Ahzab 33:56

Salati ga Manzon Allah