Shin bana shiryar daku ga mafi alheri daga abinda kuka tambaya ba? idan kun kwanta - ko ku…

Musulunci > Ha > Hadith > Fihun adduoi da zikirai > Shin bana shiryar daku ga mafi alheri daga abinda kuka tambaya ba? idan kun kwanta - ko ku…

Wanda ya ruwaito hadisin: Bukhari da Muslim ne suka rawaito shi

Ingantacce ne

Sommaire

Rubutun hadisi
Bayanin hadisi
Koyarwar hadisi

An sabunta a 26 Oktoba 2026 23h26

📖 Karatu minti 2

Rubutun hadisin: Shin bana shiryar daku ga mafi alheri daga abinda kuka…

Bayanin hadisin: Shin bana shiryar daku ga mafi alheri daga abinda kuka…

Faɗima - Allah Ya yarda da ita - 'yar manzon Allah - tsira da amincin Allah su tabbata agare shi - takai koken abinda take fama dashi na gurbin kayan niƙan da take niƙawa, lokacin da ribatattu suka zo wa Annabi - tsira da amincin Allah su tabbata agare shi -, sai ta tafi zuwa gare shi zata tambaye shi ɗan aiki daga waɗannan ribatattun; dan ya tsaya a matsayinta akan ayyukan gida, sai dai cewa bata sameshi a gidansa ba, sai ta samu A'isha - Allah Ya yarda da ita -, sai ta bata labarin hakan, Lokacin da tsira da amincin Allah su tabbata agare shi dawo sai Nana A'isha ta ba shi labarin zuwan Faɗima wurin shi dan ta tambaye shi ɗan aiki ne, sai Annbi - tsira da amincin Allah su tabbata agare shi - ya zo wurin Nana Faɗima da Aliyu - Allah Ya yarda da su - a gidansu alhali su suna kan shinfiɗa suna shirin barci, sai ya zauna tskaninsu har Aliyu - Allah Ya yarda da shi - ya ji sanyin diga-digan Annabi - tsira da amincin Allah su tabbata agare shi - akan cikinsa, sai ya ce: Shin bana sanar daku mafi alheri daga abinda kuka tanbayeni ba akan na baku ɗan aiki? Suka ce: Eh, sai tsira da amincin Allah su tabbata agare shi ya ce: Idan kun kwanta dan yin bacci da daddare, to ku yi kabbara sau talatin da huɗu, da faɗin: Allahu Akbar, ku yi tasbihi sau talatin da uku, da faɗin: Subhanallahi, ku yi hamdala sau talatin da uku, da faɗin: Alhamdulillah; to wannan zikirin shi ne mafi alheri gareku daga ɗan aiki.

Koyarwar hadisin: Shin bana shiryar daku ga mafi alheri daga abinda kuka…

An so dawwama akan wannan zikirin mai albarka, an ruwaito cewa Aliyu - Allah Ya yarda da shi - bai bar wanna wasiyyar ta Annabi ba, mai ƙunsar (abubuwan alheri) har daren da aka yi Siffin.
Wannan zikirin ba'a faɗarsa sai a baccin dare kawai, kuma lafazinsa a wurin Muslim daga riwayar Mu'azu daga Shu'uba "Idan kuka kwanta da daddare".
Idan musulmi ya manta wannan zikirin a farkon dare sannan ya tina shi a ƙarshensa to babu laifi; domin cewa Aliyu - Allah Ya yarda da shi - maruwaicin hadisin yana cewa shi ya manta faɗarsa a daren Siffin a farkon daren sai ya tina sai ya faɗeshi kafin Asuba.
Mihlab ya ce; A cikinsa akwai cewa mutum ya ɗora iyalansa kan abinda ya ɗora kansa aikai na fifita lahira akan duniya idan sun kasance suna da iko akan hakan.
Ibnu Hajar al’Asƙalani ya ce: Wanda ya lazimce shi ba zai cutu da yawan aiki ba kuma ba zai wahalar da shi ba koda gajiya ta faru gare shi.
Al’Aini ya ce: Ta fuskar alherin kodai ana nufin shi yana rataye da lahira ne shi kuma ɗan aiki da duniya, lahira kuwa ita ce mafi alheri kuma mafi wanzuwa, ko kuma ana nufin dangane da abinda ta nema da cewa ikon da zata samu ya zama shi ne mafi karfi akan aikin da dan aiki zai yi mata.

Rukunan : FIƘHUN ADDU'O'I DA ZIKIRAI · ZIKIRAI NA AL'AMURA MASU BIJIROWA · FALALOLI DA LADUBBA

← "Ya Ubangiji ina neman tsarinka daga fitinar Wuta, da Azabar Wuta, da … {Ka ce Shi ne Allah Shi kadai} da falaki da Nasi (Wato ka karanta Qul … →

بسم الله الرحمن الرحيم Tal 15 Jumada al-Awwal
الثلاثاء 15 جمادى الأولى

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا

Lalle, Allah da malã'ikunSa sunã salati ga Annabi. Yã kũ waɗanda suka yi ĩmãni! Ku yi salãti a gare shi, kuma ku yi sallama dõmin amintarwa a gare shi.

Al-Ahzab 33:56

Salati ga Manzon Allah