Kara Ruku'u 469 na Alkur'ani

يَطُوفُ عَلَيْهِمْ وِلْدَٰنٌۭ مُّخَلَّدُونَ ﴿١٧﴾

Wasu yara samãri na dindindin gẽwaya a kansu.

بِأَكْوَابٍۢ وَأَبَارِيقَ وَكَأْسٍۢ مِّن مَّعِينٍۢ ﴿١٨﴾

Da wasu kõfuna da shantula da hinjãlai daga (giya) mai ɓuɓɓuga.

لَّا يُصَدَّعُونَ عَنْهَا وَلَا يُنزِفُونَ ﴿١٩﴾

Bã a sanya musu cĩwon jirĩ sabõda ita, kuma bã su buguwa.

وَفَـٰكِهَةٍۢ مِّمَّا يَتَخَيَّرُونَ ﴿٢٠﴾

Da wasu 'ya'yan itãcen marmari daga irin waɗanda suke zãɓe.

وَلَحْمِ طَيْرٍۢ مِّمَّا يَشْتَهُونَ ﴿٢١﴾

Da nãman tsuntsãye daga wanda suke ganin sha'awa.

وَحُورٌ عِينٌۭ ﴿٢٢﴾

Da wasu mãtã mãsu fararen idanu da girmansu.

كَأَمْثَـٰلِ ٱللُّؤْلُؤِ ٱلْمَكْنُونِ ﴿٢٣﴾

Kamar misãlan lu'ulu'u wanda aka ɓõye.

جَزَآءًۢ بِمَا كَانُوا۟ يَعْمَلُونَ ﴿٢٤﴾

A kan sakamakon, dõmin abin da suka kasance sunã aikatãwa.

لَا يَسْمَعُونَ فِيهَا لَغْوًۭا وَلَا تَأْثِيمًا ﴿٢٥﴾

Bã su jin wata yãsassar magana a cikinta, kuma bã su jin sun yi laifi.

إِلَّا قِيلًۭا سَلَـٰمًۭا سَلَـٰمًۭا ﴿٢٦﴾

Sai dai wata magana (mai dãɗi): Salãmun, Salãmun.

وَأَصْحَـٰبُ ٱلْيَمِينِ مَآ أَصْحَـٰبُ ٱلْيَمِينِ ﴿٢٧﴾

Da mazõwa dãma. Mẽne ne mazõwa dãma?

فِى سِدْرٍۢ مَّخْضُودٍۢ ﴿٢٨﴾

(Sunã) a cikin itãcen magarya maras ƙaya.

وَطَلْحٍۢ مَّنضُودٍۢ ﴿٢٩﴾

Da wata ayaba mai yawan 'ya'ya.

وَظِلٍّۢ مَّمْدُودٍۢ ﴿٣٠﴾

Da wata inuwa mĩƙaƙƙiya.

وَمَآءٍۢ مَّسْكُوبٍۢ ﴿٣١﴾

Da wani ruwa mai gudãna.

وَفَـٰكِهَةٍۢ كَثِيرَةٍۢ ﴿٣٢﴾

Da wasu 'ya'yan itacen marmari mãsu yawa.

لَّا مَقْطُوعَةٍۢ وَلَا مَمْنُوعَةٍۢ ﴿٣٣﴾

Bã su yankẽwa kuma bã a hana su.

وَفُرُشٍۢ مَّرْفُوعَةٍ ﴿٣٤﴾

Da wasu shimfiɗu maɗaukaka.

إِنَّآ أَنشَأْنَـٰهُنَّ إِنشَآءًۭ ﴿٣٥﴾

Lalle Mũ, Mun ƙãga halittarsu ƙãgãwa.

فَجَعَلْنَـٰهُنَّ أَبْكَارًا ﴿٣٦﴾

Sa'an nan Muka sanya su budurwai.

عُرُبًا أَتْرَابًۭا ﴿٣٧﴾

Mãsu son mazansu, a cikin tsãrã ɗaya.

لِّأَصْحَـٰبِ ٱلْيَمِينِ ﴿٣٨﴾

Ga mazõwa dãma.